Ka laad pathai khubor wa tip kam ka Sputnik kawa na ka ri Russia da pynmih khubor ko deiwa ong wa pyrchang ka CIA wow tyngkheiñ ya ka sorkar pyrdi wa yahkhmat da u Narendra Modi.
Da ong wa ka CIA yong ka USA da yaleh ko wow kreh wa ki heh ka Liang Pyrchah ha Andhra Pradesh heiwa da dep ki leh wow yachem.
Ka khubor Sputnik da ong ko wa ka CIA da yaklam ko wa ka Baptist Church wa ki chnat yong ka wow poi ha kani ka thong.
Da ong u leh wa ka US Consul General, ka Jennifer Larson da yachem ko wa ki bru pawnaam kamjooh ya u Montri Rangbah ka Andhra Pradesh, u Chandrababu Naidu, uwa yahkhmat ka Liang Pyrchah ha Telangana, u K. Chandrashekhar Rao kamjooh wa u Montri Rangbah neitæ u heh ka AIMIM, u Asaduddin Owaisi uwa man leh kam u MP, kam chibynta yong ini i pyrchang.
Ha kani ka khubor da kdaw leh ya ki kaam ka US Embassy ha India deiwa ong wa da yachem ki heh ka Embassy wa ki bru wa pyrchah ya u Modi hadooh kiwa pawnaam ha Social Media wow pynkyllooh ya ka sorkar kawa katni.
Neiliang u Dr. Abhinav Pandya uwa man u Founder and Director ka Usanas Foundation, da sñiawkhia u yeini i emkti ki bor na baar ri wow pynkhih sorkar ha India deiwa kdaw ya ki por nachwa heiwa ka USA emkti ko wow pynwandur ya ki Election kamwa kwah ko.
Chooh chooh da kdaw leh ya iwa jia ha Bangladesh ha ki tayaaw wa dadep wa chah tyngkheiñ ka sorkar du hadien kattu katni bnai heiwa da suba wa emkti ki bor na baar ri.
Discussion about this post