Ka East Jaiñtia National Council-Central Executive Council haka 30-12-2020 da pynman ko yaka yalang wa kyrpang ha Khliehriat West kawa man leh ka lyngkhooh sngi yap wa 158 yong u Kiang Nangbah u khlawait ka ri deiwa sdang da i lai Rally daki kari nadooh Chohchrieh, EJHD chadooh Khliehriat, iwa pynbood sa i lai paidbah na Lad Sutnga hadooh u mot yong u Kiang Nangbah wei da pynbood won da i booh syntu ha tre u mot wei neini won da pynman yaka yalang paidbah ha madan yong ka skur Khliehriat Higher Secondary School, Khliehriat heiwa da pynkup burom leh ya kiwa yahkhmat da u Philip J Bamon wa u Damonmi Dkhar kiwa man ki Chief Adviser yong ka seiñ.
U President Rangbah yong ka EJNC u Sambormi Lyngdoh, da thær eh u ya uwa mihkhmat yong ka Khliehriat Constituency u Kyrmen Shylla uwa man leh u Montri ka sorkar jylla deiwa ong wa man u uwa smat wow klam neibynta ka Public Hearing yong ka Star Cement tangwa ym em sur u wow klam neibynta ka yap ka im yong ka ri wa ka jaitbru.
Da ong u leh wa neini chakhmat ka seiñ kwah ko ya kiwa mihkhmat kiwa na East Jaiñtia Hills District wow klam ki neibynta ki daw bah yong ka ri wa ka jaitbru khatam ha kam kini ki por wa ka jaitbru em ko hapyrdi i yaleh wei hapyrdi i maa wa yang khamtam na ka CAA.
Kiwi de kiwa klam kynthup ya u Chief Adviser ka EJNC u Damonmi Dkhar, u General Secretary ka EJNC u Nangjan Dkhar, u Vice President u Almiki Ryngkhlem, ka Education Secretary ka Ristina Nongtdu, ka President yong ka Jaiñtia Students Movement (JSM) Women’s Wing ka Bythygrace Dkhar wa kiwi kiwi.
U Chief Adviser ka EJNC u Philip Bamon da e khublei kitbok kitrwiang u ya kiwa yahkhmat wa ki dkhot yong ka seiñ wei da chim u leh yaka bynta wa kongsan hawa pynkup burom wei pynsmai ya kiwa yahkhmat kamjooh ki dkhot ka CEC.
EJNC – CEC Office Bearer
- President- Sambormi Lyngdoh
- General Secretary- Nangjan Dkhar
- Vice President- Allmiki Ryngkhlem
- Vice President- Ency Shadap
- Asst. General Secretary- Dras Siangshai
- Chief Organising Secretary- Lasinme Syad
- Organising Secretary- Teibor Bhoi
- Publicity Secretary- Mehi Rymbai
- Finance Secretary- Training Phawa
- Education Secretary- Ristina Nongtdu
- Sport Secretary- Nini W Sungoh
- Art & Culture Secretary- Khambha Bamon
- Disciplinary Secretary- Saimon Mannar
- Office Secretary- Evident Tariang
- Asst. Publicity Secretary- Heiborme Shylla
- Asst. Finance Secretary- Arsandy Syrti
- Asst. Sports Secretary- Lukas Dkhar
- Asst. Office Secretary- Shanborlang Bamon
Executive Member (EM)
- Sakilan Chyrmang (President Sumer Circle)
- Listen Suchen (President Eastern Zone)
- Bormi Ryngkhlem (President Wapung Circle)
- Keling Phawa (President 5 shnong Circle)
- Kitborlang Dkhar (President WJNC)
- Wansalan Nongrum (President Middle East Circle)
- Pura Bareh
Chief Advisers
- Philip J Bamon
- Damonmi Dkhar
Da pynwyrngia ya kani ka yalang da ki chaad da ki khon khynroo ka chnong Tuber, Kmaishnong.
