Kwah ka NEHUTA wow pynbor ya nga wow chim ya ka rai wa bakla: VC NEHU

U Vice Chancellor ka skurbah North Eastern Hills University (NEHU), u Prof. Prabha Shankar Shukla da kam u wa ka kiwa sikai hapoh ka lama ka NEHUTA da pyrchang ki wow pynbor ya oo wow chim ya ka rai kawa bakla tangwa ym leh u kamtæ.

Hawa klam ynne ka sngi wa ki laad pathai khubor, u Prof. Shukla da ong u wa kammon u chim ya ka rai khlem iwon iwon i pynbaad kawa chong yurim wa khlem i sakhiat ki sabut hawa yatoh wa i dawa ka JAC yow beh kreh ya u Technical Officer, u Rohit Prasad. Da kam u leh wa i chim rai wow thung kaam ya u Rohit toh katkam ki kyndon (Rule) waka aiñ yong ka NEHU, ymtoh deiwa thung pyrchah ya ka aiñ.

Da ong u wa nadooh wa da chimkti yei kaam kam u VC, da pyrchang u wow wanrah yei naam wa i burom ka NEHU, heiwa da pynkrehkaam ya ka New Education Policy ha u 2022-23 ya ki Post Graduate wei kamjooh ya ki Undergraduate ha ka samoi puræ wow wan. Da ong u wow pynkrehkaam ya ka New Education Policy ym em yumut khlem da wanrah yei krehkaam kiwa thymme.

Da sai u leh ya ka aiñ kawa da e bor ha u VC wow leh lyngba i e bor ka Executive Council wow thung ya u Technical Officer.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Kam wow pynkynmoo wa ka JAC wa kynthup ya ka NEHUTA, NEHUSU wa kiwi da pynman ki ya ka yakhih wow pyrchah yei thung kreh ya u Rohit Prasad wei da pynbaad ki wa u VC da thung kreh pyrchah aiñ khlem bood kyndon wei da phah mih ki ya oo na kamra kreh u wei da khang tala ki ka leh.

U VC da pynche u leh hajrong kiwi de kiwa pynbaad ka JAC kiwa yatoh wa i pynbaad hajrong i kynrum kynram ha NEHU.