Kwah ka sorkar wow dam u pynthut ka saam bordiñ nadooh ka 22 tarik uni u bnai

Jowai: Heiyatoh wa i chah pyndooh bordiñ ka jylla Meghalaya ha kini ki sngi, neiliang u montri ka chnat bordiñ u James Sangma da kyntu u lyngba u D. Dey uwa man kam u General Manager (Commercial) uwa thoh cha u Executive Director ka North Eastern Regional Load Despatch Corporation Center wow pynbiang noh ya ka bordiñ kamwa jooh.

Ha kani ka chithi da ong wa kattu da poi i por Christmas wa i lehkmen snem thymme kiwa man ki sngi wa emkaam bha hapoh ka jylla kamjooh deiwa pyrkhat ya ki khynnah wa pynkhreh Exam da toh wow e biang ya ka bordiñ wa khlem thut.

Neiliang ka sorkar jylla Meghalaya da kular ko leh wow su ya ya ka bai bordiñ kiwa dang sah wei wow pynbait noh ya ka saam bordiñ wa biang nadooh ka 22 tarik uni u bnai.