U Montri Rangbah ka jylla, u Conrad K Sangma da ong u wa ka sorkar dang pait ko iyi wa ye u leh hajrong i dawa wow pynman ya ka ktien Khasi wa Garo kam ki Official Language ka Meghalaya.
Da ong u wa manda dep u bichaar ya waroh daw chim yei rai wei hap leh wow pait iyi mut manda ong “Official Language”.
Da ong u leh daw em boon i thut hawa leh yei kaam i jaam khamtam ha ki kot ki sla ka sorkar neibhah lada em kiwa thoh dei ktien Garo kitu won kiwa tip du ya ka ktien Khasi wa English daw chem chitom ki wow jubab kamjooh wow sñiawthooh iwa daw ktah yei krehkaam ka sorkar.
Kamtæ da ong u wa lada kynthup lang yeini daw hap pyrkhat kammon u leh khamtam ha ki kot ki sla ka sorkar wei lada ym chah u thoh dei ktien Khasi wa Garo dang yahaap hi mo u ong ya ki kam ki Official Language, kamtæ emkaam wow pyrkhat bha iyi mut manda ong “Official”.
Hajrong ini da ong u wa hap wow pait bniah ya ini waroh chwa wow lai chakhmat wei oo kam u Montri Rangbah kwah u wow man ka ktien Khasi wa Garo kam ki Official Language tangwa daw hap pait chwa iyi i eh wei kammon u leh yow lait na ini i eh.
Discussion about this post