Shillong: U Montri Rangbah ka jylla u Dr. Mukul Sangma heipor wa wan pynhiar pyrda u ya ka Diamond Jubilee ka Shillong College ynnin ka sngi da ong u wa emkaam u pynim biang yei naam ka Shillong kam ka nongbah ki thaw puræ hapoh ka ri.
Da ong u wa ya ini ye u leh deiwa krehlang ki thaw puræ wa ka sorkar yow pynku ya ka imlang sahlang ha waroh i liang. Ka puræ puthi toh katæ ka laad wow pyntikna wa yoh khih yoh khan ha ki thaw wa boon.
Ha kani ka sngi da pynman leh ya ka International Seminar on Cross Border Connectivity & Inclusive Growth: Possibilities & Challenges with Special Reference to the North East Region at Shillong College.
U Dr. Mukul da ong u wa kani ka phang yahaap bha ko yeiwa man katni heiwa ka thaiñ Mihsngi em pood ko uwa jrong bha wa kiwi ki ri wei ym em chim kabu ya ini yow pynchlur ya ka khayi pateiñ.
“Iwi na ki daw wa ki pood man noh ki kam ki moochynthut toh neidaw ym ye i u thooh laad wow pynman ya ki kam ki thaw wow khayi yow wanrah ya ka spah ka hajar” da ong u Mukul.
Da ong chooh chooh u wa ka jylla Meghalaya em ko hei thaw wow yahkhmat ha ini waroh wei ki Seminar wa kam kini ki jait daw yarap ko wow thooh laad wow pynman sakhiat ya ini waroh.
Ha kani ka sngi da pyllait u leh ya ki kot wei da pynkup burom u leh ya kiwa kreh kani ka College kiwa da chong ngiah.
Discussion about this post