Kwah u George wow psiah biang cha ka Congress yow yakhun MDC

U MLA warim ka Congress na Umroi, u George B Lyngdoh, uwa da yakhun MLA ha u 2023 na ka AITC heiwa da rem noh u, kattæ da kwah biang u wow psiah biang cha ka Congress yow yakhun MDC.

Yeini da pyntip da u President ka Meghalaya Pradesh Congress Committee (MPCC), u Vincent H Pala ynne ka sngi uwa da ong wa u George dadep kynjoh ktien u yow psiah biang cha ka Congress wei dang yaklam u wa kiwa kyrchaan yong oo yow chim ya ka rai.

U Vincent da ong u wa da sñiawkmen u wa da em uwa yahkhmat wa biang kam u George uwa da kwah biang u uiñ cha ka Congress wei da yooluti u ha kini ki sngi wow wan daw ye noh u pynbna yeini.

Da khana u leh wa ka Congress daw pynbna chooh chooh ko yei pyrtuid ki kyrtong ha ka tayaaw wa nyngkong u snem thymme.

No Result