Jowai: Ynne i step ki bru wa chong wa sah hajan u sarok Umwakah, Loomkyrwiang- Chilliangraij da yoh biang ki u sakhi yei mih syndet i chlai um iwa da yoo chyrkhei wei ini i wan yong kani ka um da pynsihdur ko leh ya ki bynta yong u sarok wow lai cha Aitnar.
Yei pynchna ya ki bynta uni u sarok dang man iwa da pyndep du ha kini ki kajiak sngi chwa wow poi ka Behdieñkhlam tangwa neidaw i ky’an biang yong ka um napoh iwa da man ha kani ka sngi Thymblieñ step ka 10 tarik da chlai biang ka um.
Ini i kreh i chna da jæd da pra biang i wei hawa pait ya ki bynta uni u sarok leh da sdang ki u chah khloh ha ka um ynne.
