Jowai : Ynne ka sngi heipor kamwa 3:30 kawi ka kari Maruti Alto 800 da kylla ko ha Thadlaskein hajan Orchid Inn du nei daw wa yait ko ya kawi ka trok wa wan bakla liang (wrong side).
Kani ka kari da mih ko na Khliehtyrchi wei thmu ko u lai cha ka chnong Niriang hapoh kani ka kari da em soo ngut ki bru. Kini ki soo ngut kynthup ki ya u nongyah U Heimon Laloo uwa na Modymmai, u Buklang Kharkylliang uwa man leh u tre kari, u Bonyfirst Marbaniang, u Te Mukhim kiwa na ka chnong Niriang.
Kani ka kari Alto 800 rong soo man ko kawa dang thymme neibhah tang u number leh ym pu em ko. Ha ini i kylla kani ka kari ym em wa mynsoo tanhwa ka kari da man ko kawa da piah.
Discussion about this post