Shillong : Hei step ynne ka sngi heipor kamwa 3:13 ka wi ka bus Night Super wa em u number AS 01 FC – 0445 ka wa mut u lai cha Guwahati da kylla ko dei chrooh ha chnong Umling, Ri-Bhoi District heiwa da mynsoo 4 ngut ki bru.
Kani ka bus da kylla ko dei chrooh hei thaw wa dong u surok wei da poi ko cha kylla ki naar-yada (Guardrail) u sarok. Ya kani ka bus da wan pynkhai da kawi ka ka truck khwe.
Ya kiwa mynsoo da kit da ka Ambulance 108 kawa em ha Byrnihat cha Nongpoh Civil Hospital.
Ya kiwa mynsoo da tip kam u Sarosh Islam 18 snem, u Rajiv Watson 30 snem, u Rajit Shakmak 24 snem wa u Udaoi Mandal 58 snem i rta.
Ya u Sarosh Islam da kheiñ (fracture) ka kti timun u, kamjooh uwa da mynsoo joor da kit won ya oo cha Shillong Civil Hospital.
Ya kiwi kiwa mynsoo malum male da e first aid da kiwa kreh (Paramedics) ka 108.
Discussion about this post