Jowai : Ynne i step heipor kamwa 7 waje ka wi ka truck wa em ya u number WB 76 H 2318 wa kit Frooti da haap ko chapoh riat ha i thaw wa tip kam ka Wah Mynso.
U Handyman kani ka truck da mynsoo joor u wei da kit ya oo cha Shillong yow yoh yei sumar wa biang. U driver won kani ka truck mynsoo u malum malæ.
Ynnin ka 19 tarik won ka wi ka Maruti Van wa kamai Jowai-Ummulong da chah tyrrah ko na dien ha kawi ka truck kit LPG (tanker).
Ini da jia i hajan ka nan Thadlaskein wei da suba wa kani ka tanker wa kit gas da tyrrah ko ya kani ka Maruti Van hadien wa kani ka Van sangeh syndet ko yow pynhiar bru tangwa neidaw wa jhieh u sarok kani ka tanker ym ye de ko u sangeh heipor wa biang wei da dat bait ko ya kani ka Maruti Van na dien.
Kiwa em hapoh kani ka Van da mynsoo ki malum malæ donhi katwa uwa yah ya kani ka tanker da yohlaad u wow yut wei dang thooh ki pulit ya oo.
Discussion about this post