Ka KSU Mawlai Circle ynnin ka sngi da lai ujor ko cha u Principal yong ka Sacred Heart Boys’ Higher Secondary School, u Fr. T. Kharsyntiew hajrong i thoh bakla yei pyrtuid ka chnong Mawlai ha ki Sweater yong ki khynnah kani ka skur.
Katkam wa da thoh ha ki Sweater, heithaw u thoh ‘Mawlai’ da thoh pathan ‘Mawali’, iwa katkam wa ong ka seiñ da ktah ko yei sñiaw yong kiwa chong chnong ka Mawlai wei da pynsñiaw diaw ya ki khynnah kani ka skur.
Kamtæ ka seiñ da pynsñiaw ko cha u Principal wa toh u pynbait noh ya ini wa da thoh bakla wei wow e noh da kiwi ki Sweater kiwa biang i pyrtuid ka chnong Mawlai.
Neiliang u Principal da pyntip u cha ka seiñ wa neiliang ka skur da dep ya pynbait ko waka H.B.Textiles kawa man kam ka School Uniform Embroidery Dealership neibynta wow pynbiang ya ki riam ka skur wei da ong u wa i leh bakla toh neiliang ka H.B. Textiles wei mar ya tip ki yeini wa em i bakla da phah pynbna hapoh ka skur wa waroh kiwa em i bakla wow pynuiñ ki wei da chem wa i bakla toh ha ki Sweater wa em Size 26 wa 38 wei ymtoh ha waroh.
U Principal da ong u leh kam ka skur waroh da sñiawsih ki yeini wa da thoh bakla yei pyrtuid ka chnong Mawlai wei u chimkhia ki wym jia de kam ini ha ki por wow wan.
Discussion about this post