Jowai: Ka Meghalaya High Court ynne ka sngi da chong bichaar ko ya i kyrpaad wa da booh da u Dolloi ka Elaka Jowai, u Puramon Kynjing wow pynyinsur ya ka tarik wow pynman ya ka dorbar ka chnong Ummulong kawa da booh tarik kani ka yungbichaar wow pynman ha ka 12 tarik uni u bnai.
Ha kani ka 5 tarik uni u bnai ka High Court da hukum ko wa toh u pynman ya ka Dorbar ka Chnong Ummulong heiwa u Dolloi toh u man u kam uwa sakhi ya ka wei wow phah u ya ka bui yong kani ka dorbar cha ka JHADC.
Neiliang u Dolloi ka Elaka da leh u yeini neidaw wa da em ki kaam wa da booh u ha kani ka 12 tarik ki wym ye de u kyrriah tarik ya ki heiwa da kyntu wow kyrriah ya ka cha ka 13 tarik.
U Justice Dinesh Maheshwari hawa bichaar yeini da pdiang u yeiwa kyrpaad u Dolloi ka Elaka deiwa ong wa yeini toh u leh ha ka 13 tarik la man katwa man wei ymye de u kyrriah de ya ka lait na kani ka sngi wei wow bood ya ki kyndon kiwa da pynmih kani ka yungbichaar ha ka 5 tarik uni u bnai.
Discussion about this post