Jowai : Man la ka sngi khamtam ka sngi Bibar ha ka wah Myntdu ha Treyongriang ka bynta wa em ha surok Jowai-Dawki da chem wa da dap ko du da ki bru wa wan sait kari nadooh ki trok, ki pickup, ki taksi wa ki kari samen wa boon. Ka wah Myntdu ka wa da em chwa ha i ma wa khroo, da boonsien pyrchang ki bor ka distrik u leh kat wa ye u yada ya kani ka wah deiwa khang u tih moo tih chyiap na ka.
Da pyrchang ki u khang ya kiwa boon ki thaw sait kari wa em ha rood ko namo u pyndam ki u pyllait ya ki jakhlia wow tooid cha ka wah khlem da pynkhooid da pynjngiar ya ka um.
Kamwa man kattæ ka PHE leh da pynemkaam ko ya ka um na kani ka wah wow saam cha ka ka Chnong Jowai. Katwon yoo phylla won u yoo ya kini ki wa wan sait kari heini thaw wym sñaiwthooh ki wa i phniang (lubricants) na ki kari ki motor em ki ya ki lead, zinc wa arsenic wa man bih lada yoh ki u psiah cha poh doh ki bru. Wei wa kini ki bih neh ki da ki snem ha ka um.
Ym du ka um baam tangwa wat hei wow rep wow riang leh pynemkaam ki bru da kani ka um cha ki hali hator yong ki, iwa katkam ki stat sayan daw ktah ko yei rep lada kani ka um man bih ko.
Ya kani ka sait kari da yoh ka Wyrta ya ki ujor na ki piadbah wa boon kamjooh ki ujor kiwa da phah cha u DC ka distrik.
Discussion about this post