Kylli ki khynroo yei yurim kiwa pyrchah ya ka Sub-Divisional Hospital ha Jaraiñ

Ki khynroo ka Amlarem Sub-Division ha ka kyrwoh wa da phah da kylli ki lada chong yurim i pyrchah yei pynku kyrdan ya ka Jaraiñ PHC cha ka Sub-Divisional Hospital heiwa da mih leh boon ki pynbaad wa na kiwa yahkhmat ka Seng Pynroi Pynbha-Amlarem pyrchah ya kani ka Hospital kawa em du 6 Km na  ka chnong Amlarem.

Kamtæ kini ki khynroo da thooh yutip ki na u MLA ka thaaiñ wa na kiwa chong chnong ka Amlarem hajrong ini i pynku kyrdan wa i pynbaad heiwa u MLA da khana u wa ha heipor wa kiwa yahkhmat yong ka seiñ lai yachem ki wa oo ha Secretariat ha u snem 2018 da dep pynche bha wa ya ka Hospital wa heh ym pu ye wow booh ha Amlarem neibhah wa i boon bru dang duna palat wei dang jan bha ko cha ka Jaraiñ PHC katkam ki kyndon sorkar.

Da kylli bniah u leh ya itæ i thaw lada em sakhiat namo ym em ha Amlarem neibhah da jooh jia boonsien wa ki thaw em bait tangwa hadien won mih i pyrchah deiwa pynrap wa hap wow syndong bha yei thaw yow wanrah da kiwi ki kaam pynroi hadien habood tangwa ki da kut yumut bait ki wow booh bait ha katai ka thaw wei da lai booh ki leh yei dawa booh Hospital cha ki kamra krehkaam u Health Minister wa ka Health Department.

Ha ka sngi pynku kyrdan ya ka Jaraiñ PHC, u MLA da khana u leh wa ka Jaraiñ man ko leh hapyrdi bha na waroh ki Health Centre ka War Jaiñtia (Nongtalang CHC, Padu State Dispensary, Pdengshakap PHC wa Dawki PHC) wa na Jowai Civil Hospital wei rap jan ko leh wa kiwi ki chnong ka Amlarem Sub-Division. Da pynche u leh wa ka Jaraiñ PHC toh ka Health Centre kawa heh dooh hapoh Sub-Division kawa chakri leh ya kiwa boon ki bru bar ya ka Nongtalang CHC. Kamtæ da pynskem wei da pynchong yurim yei pynku kyrdan hajrong kini ki phang wa biang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki khyrnoo da ong ki wa hawa kyruiñ won ki cha katæ ka thaw wa ka seiñ da kam ko wa em ha Amlarem, da bna wa em ha sarok Pdengkarong chajan ka thaw noh jhep yong ka Amlarem tangwa kiwa boon hi kiwa chong chnong ym pu tip tikna ki ya kani ka thaw leh. Da chem leh wa ym pu em kawon kawon ka Public Hearing na ka Health Department kam ka rukom ki aiñ sorkar hawa chim yei thaw ki bru samen lane yong ka chnong.

Kamtæ da mih ki yukylli:

1. Lada ka thaw man sakhiat ko kawa biang kawa lait nei yaknieh thaw?
2. Lada i thaw man namo ym man wow booh Hospital chajan ka thaw noh jhep?
3. Lada ka chnong Amlarem ye ko namo ym ye u pynbiang um (Water Supply) ya ka Hospital wa heh?

Kamtæ da kyrpaad ya ka seiñ wow pyrkhat sani bha yei pyrchah yong ki wei ym toh u chah yah bakla ha ki Political Party khamtam ha kani ka por Election yoh jia wa ka Amlarem Civil Sub-Division u dooh noh ko ya kani ka Hospital kawa da dep wow yoh leh.

Ka kyrwoh na u Alep Nongrum deilang wa kiwi ki khynroo ka Amlarem Sub-Division.