U MLA ka North Shillong, u Adelbert Nongrum da kylli u na u Speaker, u Thomas A. Sangma hajrong i chah kylliang thaw chong u ha Meghalaya Legislative Assembly.
Ini da jja i hadien wa u Speaker da khut u ya u Chief Minister, u Conrad K. Sangma wow yahkhmat kynmoo warom ya ki MLA wa da khlaad heiwa u Adelbert da yieñ syndet u wow kylli yei daw wa kyrriah ya ka chuki u chadien neiwa jooh chong u hakhmat.
Hawa kylli u Speaker hajrong kawon ka kyndon wa kylli u yeini, u Adelbert da ong u wym em kawon kawon ka kyndon tangwa kwah u yei pynche donhi deiwa pynrap wa kopsar wa toh hajrong i chah Suspend u na ka Voice of the People Party (VPP) ha ka 24 tarik u Wisu (Mar), 2025 deiwa ong wa iwa da leh ya oo man ko pyrchah aiñ.
“Ka Party, ha ka chithi Suspend ym em ong ko ya ka kam u MLA ka North Shillong tangwa da thoh donhi ha ka chiti, ha u Adelbert Nongrum,” da kdaw u.
Neiliang u Speaker da ong ong u wa ka yung dorbar ymtoh i thaw wow yaklam yeini tangwa daw yaklam won ha kamra krehkaam yong oo.
Discussion about this post