Kylli u Ardent ya ki daw wa chukor ka UDP ya ki paidbah

Shillong: U President warim ka HSPDP, u Ardent M Basaiawmoit da kylli u ya u Dr. Donkupar Roy, President ka UDP yei daw wa pyrchah u wow chimkti u Prestone Tynsong ya ka chuki kam u Montri Rangbah.

Hawa yaklam wa kiwa pathai khubor ynne ka sngi u Ardent da kylli u kammon ka soskular wa da yasoi hapyrdi u Conrad wa ka UDP kawa pynman wow e ya ka chuki Montri Rangbah cha u Khasi.

Hajrong i pynbaad u Dr. Donkupar Roy wa ym em ong u iwon iwon leh yei lai kyrchaan ya ka NPP wa ka BJP wow chna ya ka sorkar, neiliang u Ardent da ong u wa nadooh nyngkong da dep klam che wa i yalok toh du hapyrdi ka UDP-HSPDP wei ym kyrchaan ya ka sorkar wa em ka Congress namo ka BJP.

Da pynbaad u wa ka UDP da chet ko ya ka HSPDP neibhah ym em u kynjoh ktien ko ya ka HSPDP kawa da yalok nadooh chwa ka election.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Heiyatoh won wa ki 2 MLA ka HSPDP kiwa da ong wa toh u Ardent uwa phah wow neh wa ka Regional Democratic Alliance (RDA), neiliang u President warim ka HSPDP da kubur u wa da phah u wow em bait ka RDA tangwa ymem u e dak u wow kyrchaan ya ka sorkar wa emlang ka BJP.

Da ong u leh wa i pynbaad kini ki MLA wa oo wa phah ya ki man i iwa bakla wei i rai yong ki wow emlang wa ka sorkar pynyoo i wa ki ymem burom ki ya ka rai ki paidbah wei i man khlemakor kini ki MLA.