U President ka Hill State People’s Democratic Party (HSPDP) uwa man leh uwa yahkhmat ka RDA, u KP Pangniang da ong u wa i klam u Ardent deiwa ong wa u kyrtong ka RDA wow kynrandien noh u na kani ka Election MP toh kawa khlem yurim.
Yeini da ong u ynne hadien wa wan synran lang ya u Robert Kharjahrin heipor thap pyrtuid kam u kyrtong monglang ka UDP wa HSPDP hapoh ka RDA, heiwa u Pangiang da kylli u ya u Ardent, deiwa ong iyi mut wow seiñ ya ka RDA ha u snem 2017 deiwa kam wa ha itu i por emkaam ya kiwa yahkhmat ka seiñ ri-loom.
Da ong u wa u Ardent ymtoh u thooh daw kulmar u ya kiwa yahkhmat yong ki ar tylli ki Party neibhah ka HSPDP da lai ko la 52 snem wei ka UDP won la 27 snem, deiwa pynrap wa kini ki Party pynneh ya iyi wa kiwa yahkhmat waroh chi kattu da sdang ki.
Neiliang u President ka UDP, u Metbah Lyngdoh da ong u wa kiwi ki Party hap hi ki wow pynbaad tangwa iwa pynbaad toh u em yurim i, wei da ong u wa kam ki seiñ ri-loom da kreh ki neibynta ka jaitbru yong i wei da kylli u leh iyi wa bakla ki seiñ ri-loom du wa ya krehlang ki wa uwon uwon?
Discussion about this post