Kam waman ha ki chnong ki thaw waphær yong ka ri India, ki bru wa chong chnong da kynmoo burom ki ya ka 73rd Republic Day ha ki dur ki rukom waphær waphær kamtæ leh Ka Seva Bharati, Jowai kam chibynta i leh burom ya kani ka sngi wa khroo wa kyrpang ka ri wa haap ha ka 26 tarik Duyatra da chimkhia ko wow pynman ka yalang kynmoo burom wa kyrpang ha Iawmusiang, Jowai.
U Damehiwot Pde kam u chongknor yong kani ka yalang da kdar u wow e ki kyntien yahkhmat heiyatoh wa kani ka sngi deiwa kynmoo u niawtang ya ki kaam wakhroo yong ki waheh kiwa da yieñ yaleh neibynta ka ri wa ka jaitbru katwa u Ladwan Dkhar kam uwi na ki dkhot ka Seva Bharati, Jowai da e u ki kyntien sñiawngooh.
U L.D. Lakiang, Waheh Chnong Ladthadlaboh kam u kongsan yong kani ka yachemlang da chim u ka bynta wow pynhær ya ka lama le rong ka ri India wei wow pachat leh ki kyntien e mynsien ya ki lok ki jor wa sakhilang ya kani ka sngi.
