Ka 29 tarik u Naisaphra yong uni u snem toh ka lyngkhooh snem sngikha wa 120 yong u Major Dhyan Chand uwi na kiwa yaleh Hockey wa bna naam ka ri India, kamtæ ka sorkar India kam ka dak i burom ya u Major Dhyan Chand da e naam ko leh ya kani ka sngikha yong oo kam ka National Sports Day.
Kamtæ ha West Jaiñtia Hills District ynne ka sngi ki khynnah skur wa em ha kylleiñ ki chnong yong ka Thadlaskein, Laskein wa Amlarem Block da ya chimbynta chongchit ki ha ki yakob leh Sports waphær waphær.
Ini i leh burom ya ka National Sports Day hapoh ka ri India u man i nadooh ka 29 tarik wei u kut won ha ka 31 tarik uni u bnai.
Ki jait yalehke Sports kiwa da yohlaad ki khynnah u ya chimbynta toh ki yaphet pyllah, ki yalehke tynre, ka yalehbol, ki yalehke pynwyrngia ya ki khynnah deilang ka Mass Drill.
Chooh chooh neiliang kiwa sikai ha ka thong wow khriñ yei pyrkhat pynrdaiñ ki khynnah chaphang ka National Sports Day, da e ki leh i klam i khana wa tbian chaphang i parom yong u Major Dhyan Chand.
Discussion about this post