Ynne ka 11 tarik u Kmaichonglad ha u 2019, ka Rajya Sabha da mynjur ko yaka Citizenship (Amendment) Bill yow man aiñ noh ko kawa tip kam ka Citizenship (Amendment) Act 2019 kawa da khut leh kam ka CAA.
Hajrong kani ka sngi, ka North East Students’ Organisation (NESO) kawa kyntup lang yaka Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) waka All Arunachal Pradesh Students’ Union (AAPSU) da pynman ki yaka kam ka Black Day wei yow pynkynmoo paidbah ya kani ka sngi, da pynman yei rah lama yong, i wah Banner kiwa em ki kyntien wow pyrchah ya kani ka aiñ kamjooh yow pyndam yaka wei da thang leh yei dur bula u montri rangbahdooh ka ri u Narendra Modi kamjooh yei pyrtuid ka CAA.
Ya ini da leh ha ki 7 tylli ki jylla ka thaaiñ North East.
