Jowai : Deilang wa ka pyrthai waroh kawi ka NSS Unit wa ka Eco Club yong ka Thomas Jones Synod College ynne ka sngi da leh warom ki ya kani sngi Earth Day kawa thmu yow pynchlur ya ki bru yow yada ya ka rymaw.
Ha kani ka yalang da wai ya ka da u Principal ka College u ma H.K. Nongpluh, Vice Principal ka College katwa u Principal ka College da e u yei klam wa tbian heiwa da pynkynmoo u wa katwon i chnong i thaw yong i man i iwa miat tangwa dei kwah rhah yong u bru da pynjæd tympra ya ki loom wei da tynyap leh ya ki um ki wah hapoh ri-loom Jaiñtia. Ong u wa ka pyrthai ye hi ko u pynbiang ya iwa emkaam u bru tang yei kwah rhah yong u bru ym ye ko u pynbiang.
U R. Muthu, SP WJH uwa man leh kam u kongsan ha kani ka yalang da ong u wa lada pait bha i yei rukom man i chit i kjam u slap ka lyær ha kini sngi haap pyrkhat i wa i waroh uwi pa uwi em kti i heini kylla ka suiñ bnieñ. Kamtæ yow wanrah yei kylla waroh haap pyrchang i katwa ye i yow yada ya ka Pyrthai kawa em du kawi donhi.
Da yoh leh ha kani ka sngi ya ka Power Point Presentation na ka S. Dkhar, Asst. Prof., EVS Department hei yatoh wa kammon ki dieñ toh man ki lok wa jan dooh ya waroh ki jaitbru. Ong ko wa deiwa em ki dien yarap ko ya waroh i liang ka imlang sahlang nadooh i chait i khiah, i khooid i rukom pyrkhat wei ye leh u pynduna ya kiwa boon i leh sih ki bru.
Da pynkut ya kani ka Earth Day deiwa pynyoo baiskoop ya ki soo tylli ki phlim wa yatoh wa ka rymaw.
Discussion about this post