Tura: Deilang wa ka ri waroh kawi ki pulit ka jyllla leh da kynmoo warom ki ïa ka Police Commemoration Day ka sngi sahkynmoo ïa ki pulit wa da dooh yei mynsien yong ki. Ha Tura Police Reserve, ynne ka sngi da kynmoo ïa ki pulit wa da e yei mynsien yong ki ha i por wa pyndep ki ïa ki kaam yong ki kaam ki pulit yong u snem 2014-15.
Ha kani ka sngi da em u Deputy Inspector General of Police, Western Range, F. D. Sangma, Superintendent of Police, Tura, u M. K. Singh, Commandant, 2nd Battalion, Goeragre, u J. F. K. Marak wa kiwi kiwa da booh syntu wei da e sñiawngooh deiwa leh ïa ka ‘Ceremonial Salami’ yow sah i naam yong kiwa da khlad. U M. K. Singh, SP, Tura leh da puræ u ïa ki pyrtuit yong ki waroh ki wa da yap.
Da pyntip ha kani ka sngi wa du na West Garo Hills District da em kamwa 30 ngut ki pulit da yap ha i por wa dang chakri ki kam ki pulit.
Ha Ampati leh ka South West Garo Hills Police ha i yahkhmat u Superintendent of Police, u Aditya Goenka da pynemwarom ki ïa kani ka Police Commemoration Day ha ka step yong ynne ka sngi.
Da li booh syntu kynmoo warom da ki heh pulit wa em kyrdan wapher wapher. Da leh ïa ka ‘Shubh Parade’ da ki kynhun pulit kam i dak sah kynmoo ïa ki wa da e yei jingim ki hei yaleh pyrchah ïa ki damok khamtam hapoh ki thaiñ Ri-Loom Garo.
Da klam kynmoowarom ïa kiwa da khlad da e da u Aditya Goenka heiwa ong u wa kini ki wa da dooh ïa i mynsien man ki kiwa chlur dooh na ki wa chlur.
Discussion about this post