Jowai: Kamwa man ha kylleiñ ka ri, ynne ka sngi ka ABVP-Meghalaya da kynmoo warom ko ya ki 20 ngut ki chipai ka ri kiwa da dooh yei mynsien yong ki ha i yakhun pyrchah ya ki chipai ka Peoples’ Liberation Army (PLA) ka China ha i miet ka 15 tarik ha Galwan Valley iwa man i thaw wa em ha khappood ka India wa China.
Ynne ka sngi neiliang kiwa kitkaam kamjooh kiwa kyrchaan ya ka seiñ da thang ki ya ki mombati kam ka dak wow warom ya kini ki mynsien wa da khlaad neibhah ka ri.
Ha ini i thang mombati da embynta lang ki dkhot ka seiñ kam na Ri-Loom Khasi, Jaiñtia wa Garo.
Kam ha ini i por wa em ka lockdown wow yakhun ya ka khlam u COVID-19 neiliang ki dkhot ka seiñ da chimbynta ki heini deiwa thang mombati ha jar jiar ki yung ki pchem yong ki.
