Ynne ka sngi, ka Akhil Bharatiya Vidyarthi Parishad (ABVP) Meghalaya da kynmoo warom ko ya u Tirot Sing Syiem kawa man ka lyngkhooh dap snep sngi yap wa 185 snem ha ki 18 tylli ki chnong ka jylla nadooh na Ri-loom Garo, Khasi wa Jaiñtia.
Ha kani ka sngi da pynman leh yei thang ya ka charak wei i klam na ki dkhot yong ka seiñ deiwa pynkynmoo ya ki kaam wa khroo u Tirot Sing uwa da embynta ha i yakhun pyrchah ya ki pharæng wei wow bood ya ki dak-kjat yong oo.
Ka Darilin Tang kawa man kam ka State Secretary ka ABVP Meghalaya, ha i klam yong ka da ong ko wa ka seiñ daw chimkhia ko hei wow pynpoor ya ki kaam wa chlur u Tirot Sing cha kiwi ki bynta yong ka ri India.
Da ong ko leh wa ki paidbah ka ri India emkaam ki wow tip ya ka Ri ki Le Phaw Syiem Khatar Dolloi, wa ka leh em ko kitæ ki khlawait kiwa yieñ yaleh pyrchah ya ki bor na baar ri kiwa thmu u yoohbeiñ ya ka jaitbru wa ya ka ri India hi waroh kawi.
