Ka Biate Youth Association chirup wa ka Nehru Yuva Kendra Sangathan Jowai ynnin ka sngi da lehkmen ko ya ka Quami Ekta Diwas namo ka National Integration Day kawa man ka sngikha yong ka Indira Gandhi ka Prime Minister kynthai wa nyngkong dooh ka India.
Ha kani ka sngi da pyllai ya ka yalang da u Spurgeon Durpui uwa man u President ka Biate Youth Association, da yoh ya i klam pdiangburom na u Waheh Chnong ka Saipung u P. Darnei, hei emlang u Benjamin Darnei uwa man u National Youth Volunteer wa pait ya ka Saipung Block, u Shembha Lamare uwa man leh kam u Resource Person.
U Shembha da batai u chaphang kani ka sngi kyrpang wei da pynchlur u ya ki khon khynroo kani ka thaaiñ u kreh ki ha ka imlang sahlang neibynta i bha i miat ka thaaiñ ka District wa ka jylla hi waroh ka wi.
Da yoh leh i klam na u Benjamin Darnei uwa da e mynsien ya ki Youth Club u man ki kiwa chlur wow pynman ya ki program dei krehlang wa ka NYKS Jowai, da yoh ya ki kyntien e khublei kyrkhu kyrdoh na u Lalthanhawl Darnei uwa man u Secretary ka BYA, da emlang leh wa u H.W Fowler Darnei u President ka Biate Cultural Association Meghalaya.
