Ka Dorbar Chnong Loomkyrwiang ha ka thong wow khriñ yei pyrkhat pyrdaiñ ki khynnah chaphang u Woh Kiang Nangbah, Khlawait ka Ri Jaiñtia ha ka 30 tarik u Kmaichonglad kawa man ka sngi yap yong oo, da pynman ko ya ka yalang kyrpang ha Yungwalieh ka chnong.
U Richanki Shullai kam u chongknor yong kani ka yalang da e u ki kyntien yahkhmat neitæ pynbood wan i suki wa chi minit næ i ngooh Blai hei man wa samen yong uwi pa uwi kawi pa kawi kiwa embynta ha kani ka sngi.
U Daioolang Pakma, Assistant Waheh Chnong Loomkyrwiang kam uwa klam wa kypang yong kani ka yalang da khana u yei parom wa tbian u Kiang Nangbah wei da ong u leh kam ki pateiñ kani ka juk toh u tip i u pynkhroo yei naam i pyrtuid u Kiang Nangbah ym du kat ha ki rong chi sngi næ ha kani ka lyngkhooh snem sngi yap u, kamwa oo da e kti u dei mynsien ha u tylle pasi neibynta ka jaitbru ka ri, toh i kaamram yong i leh kam ki pateiñ kani ka juk u thooh i ki laad ki luti wow leh yei wa miat wa bha tam neibynta yong oo kamjooh neibynta ka ri wa ka jaitbru.
U S.D.Laloo, General Secretary hei klam kyrsu kyntu da niawtang u ya ki thaw em naam em parom ka chnong Jowai kiwa yatoh wow Kiang Nangbah, heiwa da ong u neidaw wym em i chynna jngai wei kitkhia ki bor sorkar næ ki bor chnong u leh yeiwa emkaam, man noh ki ki thaw em naam em parom kiwa wiarnar wiarluti wei dooh yeitæ i man kyrpang.
Chooh chooh da klam kyrsu kyntu wei e mynsien u ya ki khon ka dorbar chnong wow man kiwa chlur, yatylli, yatoh yumut wei imsngi u u leh hok yeiwon yeiwon i kaam neibynta i miat i bha ka imlang sahlang.
Khaddooh ya kani ka yalang da pynkut da ki kyntien sñiawngooh na u Sophilos Lywait, EM-LDC, Jowai.
Discussion about this post