Jowai: Ka HANM-Khliehriat Circle kam chibynta wow sahkynmoo ya i dap 77 snem wa khlaad u Soso Tham, ka seiñ haka miet ka 18 tarik uni u bnai da pynman ko ya i thang mombati ha pchem ka skur Dkhiah East Secondary School.
Chwa ini da em ka yalang wa tbian kawa pyllai da Poibiang Lyngdoh uwa man kam u Organising Secretary ka HANM-KC.
Ha kani ka yalang da yoh i klam na u President ka HANM-KC u Shnalad Rymbai, uwa da pynsñiaw yei mynsien sñiaw sarong wa khroo wow yoh kam uni u bru wa khroo pyrkhat na kani ka jairbru.
Da kynmoo tamdien ya u Myllung Soso Tham uwa da thoh ya ki sur rwai kam ka Duitara Ksiar, Ki Phawer u Aesop wa Ki Sngi Warim u Hynniewtrep kiwa dang pynemkaam hadooh kini ki sngi.
Ha kani ka yalang da yoh i klam na u Ency Shadap President HANM – EJHD, uwa da ong wa u myllung da man u kam uwa da khana chwa wei uwa chynna jngai ya ka mynried ka mankawi ka jaitbru, wa kiwi kiwi.
Da kyntu u leh wow ksoh u kune ya ki kyntien sneiñ kroo u myllung neibynta i bha i miat ka jaitbru waroh kawi.
Discussion about this post