Jowai: Ki MDC ka Jaiñtia Hills Autonomous District Council (JHADC) ynne ka sngi kam ka dak i sñiawlem ya i khlaad noh u Dr. Donkupar Roy, u chongknor ka yung dorbar chna aiñ ka jylla, uwa da khlaad haka 28 tarik uni u bnai, da pynman ki yaka suki kiaw kawa chi minit hapoh ka yung dorbar ka JHADC.
Yaka dorbar sñiawlem da pynlai da u Dy. Chairman u Ailad Bhoi na i daw wa u Chairman u Lakhon Biam ym ye u wow wan.
Ynne ka sngi toh kawa da pynbait wow man ka dorbar wow yaklam ya ki kaam wa dang sah yong ka dorbar lyiur ka Council, tangwa neidaw wa khlaad u Dr. Donkupar Roy wei kamjooh wa da pynbna le sngi kam ki sngi yam bru haka jylla neibynta yong u Dr. Donkupar, kamtæ hadien wa da pynyoo ya ka dak sñiawlem da rai wow rah noh yaka dorbar cha ka 1 tarik u bnai wow wan.
Discussion about this post