Ynne ka 30 tarik, ka Jaiñtia National Council wa ka Jaiñtia Students Union Khliehriat Circle da kynmoo warom ki ya ka lyngkhooh sngi yap ka wa 158 u Kiang Nangbah uwa man u khlawait ka Ri-loom Jaiñtia. Uwa da chah sdien pasi ha ki kti yong ki pharæng kiwa ha kitu ki por dang synchaar embor ki ya ka ri hi waroh kawi.
Kini ki ar seiñ ynne ka sngi da kynmoo wei da leh warom ki ya kani ka sngi khlaad yong uni u khon dap chynrang ka Ri-loom Jaiñtia uwa da hun wow e dei mynsien yong oo neibynta ka ri wa ka jaitbru.
Ki ar seiñ da lai booh ki leh da ki syntu ha u mot yong uni u Khlawait ka ri wa em ha Khliehriat East, East Jaiñtia Hills.
Ha chwa wow booh syntu, da pynman ki da ka yalang kawa tbian kawa pynlai da u W.S. Suting President JNC, da yoh leh ya i klam wa tbian na u Rimiki Dkhar u President JNC-KC uwa da ong wa wot lada u Kiang Nangbah da khlaad u neini na pyrthai, tangwa i pyrtuid i naam yong oo u neh i pateiñ la pateiñ, da ong u leh wa ini i mynsien maya jaitbru yong u Kiang Nangbah u psiah i ha i ki khon khynroo ka Ri-loom Jaiñtia.
Ha kani ka sngi da yoh leh ya i klam wa tbian na u Emanuel Bhoi, GS JSU-KC.
