Jowai: Ynnin ka 22 tarik kiwa yahkhmat ka Khasi Authors’ Society kam ka dak wow kynmoo warom ya u Rev. Thomas Jones, da lai booh syntu ki ha u mot sah kynmoo uwa em ha pchem ka Synod College, Shillong. Kawa man leh ka sngi lyngkhooh dap snem kawa 178, nadooh wa u Rev. Thomas Jones (u pa ki dak thoh Khasi) wa ka Anne Jones da wan poi ki cha kani ka Ri-loom Khasi ha ka 22-06-1841.
Ha kani ka lai booh syntu da yahkhmat da u Dr. K. D. Ramsiej, Vice President ka KAS. Heiwa da yoh yei klam wa tbian na u Dr. K. D. Ramsiej uwa da pyntip wa u Rev. Thomas Jones, da wan yooh kjat nyngkong u ha Ri Khasi ha ka 22 tarik Naiynru 1841 wei ini i wan poi yong oo da man ko i kyrkhu ym du ya ka Balang Presbyterian, kamjooh ya ka jaitbru Khasi waroh kawi, khamtam dooh yei e sñiawbha yong oo lyngba ki dak thoh ABKD… da ong u wa toh na ki dak thoh wa da wanrah da u Jones, wa da ye i wow puræ wow thoh ha ka ktien Khasi wei khamtam dooh wow pynyatylli ya ka jaitbru. Neitæ da ong u leh wa kam ka jaitbru toh wow tip wow kynmoo ya ki kaam wa da leh uni u waheh, kiwa man sakhiat ki kyrkhu ya ka jaitbru Khasi.
Ha kani ka lai booh syntu da yoh leh i puræ ya ka Sonnet poitri chaphang u ‘Rev. Thomas Jones’ da u K. W. Nongrum wa i e khublei na u P.R. Kharshiing, General Secretary ka KAS.
Discussion about this post