Ka Kiang Nangbah Government College, Jowai hapoh i yahkhmat u H. Toi uwa man kam u Member Secretary yong ka Yoga Cell deilang waka IQAC yong ka College da pynman ko ya ka leh warom ya ka sngi yong ka International Yoga Day 2023 ynnin ka sngi hapoh ka College.
Ka phang yong ka International Yoga Day 2023 toh ‘Yoga for Vasudhaiva Kutumbakam,’ ‘One Earth, One Family, and One Future.’
Ha kani ka lehkmen da wan ya chimbynta da ka NSS Unit yong ka College wa yahkhmat da u M. Passah waka D. Suchiang wei da ya emlang wa ki bru ka 42 Meghalaya Bn NCC Shillong.
Da em leh ka NSS Unit yong ka Kiang Nangbah Higher Secondary School wa yahkhmat da u O. Phawa wa kiwi de ki Lecturer yong ka College wei kiwa da wan ya chimbynta da em ki 56 ngut waroh.
