Jowai : Ka Khasi Student’s Union Jaiñtia Hills District Unit ynnin ka 23 tarik da kynmoo warom ko ya ki arngut ki dkhot yong ka kiwa dooh yei mynsien yong ki ha ki kuli yong ki Police ha u snem 2000.
Ya kini ki ar ngut da tip kam u Dawanbiang Shullai, Asst. Finance Secretary, KSU Central Body wa u Rocky Shylla, Sports Secretary, KSU Wahthapbru Unit.
Ya ini i kynmoo warom wa da leh dai i booh syntu da leh ha Loom Mooliksoo, i thaw booh chyieñ wa em ha Ionpiah Jowai da u President ka KSU -JHDU u Ohibait Dkhar, u Nangaibormi Sutnga Finance Secretary wa kiwi ki dkhot ka seiñ.
Ha ka miet yong ka 23 Ñaisaphra 2000 da jia wa ha iwi i yung ha Nongshilliang, Shillong da chem wa emlang kini ki arngut wa u dkhot ka HNLC wa tip kam u Balajied Dkhar. Ki Police da siat yap ki ya waroh le ngut heiwa nyngkong da suba wa ki toh ki dkhot ka NSCN (IM).
Discussion about this post