Kynmoo warom ka MBS&G West Jaiñtia yaka 70th Foundation Day

Jowai: Ka 7 tarik u Khonchonglad toh ka sngi wa khroo wa kyrpangyong ka Bharat Scouts & Guides ha chityllup ka ri India ya kawa datip deiwi i kyntien kam ka Foundation Day, kamtae ka Meghalaya Bharat Scouts & Guides West Jaiñtia Hills District ha kani ka sngi wot hapyrdi i khanglaad wei pynwit pynthut yong i em u khñiang khlam COVID-19 deiwa bood ryntih ya ki hukum adong ka sorkar da pyndep ko yei kynmoo warom ya kani ka sngi.

Hapyrdi i duna paaid, kani ka sngi daman ko kawa lai bait lai ryntih hei pynlai u Elvis Dkhar, District Organiser Scouts, West Jaiñtia Hills wei da sdang ya ka prokram deiwa em i pynhær ya ka lama iwa man katkam ki rukom dustur ka Bharat Scouts & Guides.

Ka Saramai Tariang kam kawi na ki manbei wa da embynta ha ka Bharat Scouts & Guides da ki boon tylli ki snem, ha kam kani ka sngi da kdar ko wow khanna yei parom watbian i lai luti u Lord Baden Powell wow sdang ya ka Scouts- Guides Movement nadooh u snem 1907 kat hadooh wow man kawi na ki Movement ha chityllup pyrthai ka wow yoh yei naam i pyrtuid Messenger of Peace na ka United Nation.

Chooh chooh ha kam kani ka sngi da kyrsu kyntu ko leh ya waroh ki dkhot ka Movement nadooh ki khian hadooh ki heh wow yaleh chooh u pynjanai yei chakri yong i neibynta i miat i bha ka imlang sahlang deiwa ksooh thij ne hei pyrkhat pyrdaiñ ya ka Motto wa ong “ Be Prepare”  wa ki “ Law & Promise”.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Julius Lyngdoh, District Training Commissioner Scouts, West Jaiñtia Hills da khanna pynsñiaw u wa ya kani ka sngi da sdang nadooh u snem 1950 da ki le tylli ki lama wa kynthup ya ka Hindustan Scouts, Boys Scout Association of India wa ka Girls Guides Association of India da psiah ki ha kawi don ka pyrtuid watip kam ka Bharat Scouts & Guides.

Ong u leh ka Bharat Scouts & Guides ha kini ki 70 tylli ki snem i lai luti yong ka wow chakri ya ka ri da leh ko chiboon ki kaam kiwa yatoh wei miat i bha ka imlang sahlang kyrpang yei miat i bha ki khon khynroo khyllood ka ri.

Kiwi ki dkhot ka seiñ kiwa da embynta ha kani ka sngi toh ka Chwadaka Laloo, Guide Captain kawa da e ki kyntien pdiang burom wa u Adiam U Bthuh, Jt. District Secretary MBS&G West Jaiñtia Hills uwa da pachat ki kyntien khublei.