Shillong: Ka Meghalaya Bharat Scouts and Guides (MBSG) ynne ka sngi da leh warom ko ya ka Founder’s Day hapoh ka State Headquarter yong ka ha Shillong.
Kani ka sngi toh wow kynmoo warom ya ka sngikha wa 150 uwa seiñ ya ka u Lord Baden Powell wei ka sngikha wa 128 yong ka Lady Baden Powell. Ka phang yong kani ka sngi toh ‘Grow’ and ‘#extraGoodturn’.
Ha kani ka sngi da em u Chief Secretary ka jylla uwa man kam u President ka seiñ hapoh ka jylla u KS Kropha kam u kongsan hei emlang u Commissioner & Secretary, IT Department, etc, u D.P. Wahlang, u Chief Electoral Officer, Meghalaya, Outgoing State Chief Commissioner MBSG, u FR Kharkongor wa kiwi kiwi.
Hei klam ha kani ka sngi u Kropha da e khublei u ya waroh wei da ong u wa i man Scouts and Guides man i leh i kaam wow pynman ya ki khynnah chynrang wa kynthai kiwa da khreh wow chakri ya ka imlang sahlang.
Ha kani ka sngi da e leh ya u DP Wahlang da ka Warrant of Appointment wow man kam u State Chief Commissioner wa thymme ka MBSG.
Da e sñiawbha leh ya u FR Kharkongor, State Chief Commissioner, wei da pynkupburom ya ki National Awardees 2016 wa ki Rashtrapati Awardees 2016.
Discussion about this post