Ka Seng Khasi Delhi Unit deilang ka National Commission for Schedule Tribes (NCST), New Delhi ka sorkar India da pynman ko yei kynmoo warom ya ka lyngkhooh sngi yap wa 163 snem u Woh Kiang Nangbah, khla ka wait wa chlur dooh ka Ri Jaiñtia.
Kani da man ko ka sien wa nyngkong dooh wa wa ki khon ka ri na ri-loom Khasi wa Jaiñtia da yoh ki wow pynemwarom ya ki bru wa khroo ka ri hapoh nongbah Delhi.
Ha kani ka sngi da booh syntu ha i dur u Woh Kiang Nangbah deiwa emlang ka Delina Khongdup, Member ka National Commission For Women, heijooh i por ka President yong ka Seng Khasi Delhi Unit wei u kongsan ha kani ka sngi toh u Nirupam Chakma, Member ka National Commission for Schedule Tribes uwa da man leh kam u chongknor.
Da emlang leh wa u Secretary kamjooh u Joint Secretary ka NCST, u Tmonlang Rymbai, Adviser ka Seng Khasi Delhi Unit, u Gideon Kharmawphlang na Seng Khasi Nongthymmai Shillong deilang wa ki khynroo khyllood wa ki dkhot ka Seng Khasi Delhi Unit.
Da yoh leh yei parom wa tbian chaphang ki kaam wa khroo u Woh Kiang Nangbah na ka Delina Khongdup yow pynkynmoo wei kyrsu ya ki khon ka ri wow kynmoo warom ya uni u bru wa khroo wa embor.
Neiliang u Nirupam Chakma da e syndon u ya ka hukum wow seh pynemburom yei dur yong u Kiang Nangbah ha ka rynsan krehkaam ka NCST kamwa da seh yei dur kiwa khroo wa man na ki paaid jaitbru ri-loom na kyllieñ ka ri India.
Wei kani da man ko kam ka dak wa prat luti neibynta wow pynpsiah ya ki bru wa khroo ka jylla chadooh ka National Level.
Discussion about this post