Kynmoo warom ka TSDACHN waka Hima Nongkhlaw ya ka sngi lyngkhooh dap 184 snem i khlaad u Syiem Tirot Sing

Shillong: Ka Tirot Sing Syiemlieh Death Anniversary Committee Hima Nongkhlaw, ynne ka sngi da leh warom ko ya ka sngi lyngkhooh dap 184 snem i khlaad noh u Syiem Tirot Sing ka Hima Nongkhlaw, u khla wait uwa yakhun pyrchah ya ka sorkar phareng, ha madan Nongrah ka chnong Nongkhlaw.

Da pynman ya ka yalang kynmoo warom deiwa booh syntu hakhmat u mot dur yong uni u Syiem khroo nam ka Ri Khasi, uwa da chna ha ka thaw wa sah u Syiem Tirot Sing u ha chnong Nongkhlaw.

Ha ka yalang kynmoo warom da em u montri sorkar jylla wa pait ya ka chnat PHE u Samlin Malniang uwa da wan u wow emlang kam u kongsan hei emlang u MLA ka North Shillong, u Adelbert Nongrum, u Paiem PM Syiemlieh, Syiem Ka Hima Nongkhlaw, ki dkhot kitkaam ka Committee wa kiwi kiwi.

U Samlin hawa e yei klam ha ka yalang da ong u wa ka Ri Khasi man ko kawa embhah wow yoh ya uni u bru wa chlur wa uwa maya ya ka jaitbru kam u Syiem Tirot Sing, uwa mih na kani ka chnong Nongkhlaw kawa katni hadooh 184 snem ka Ri dang kynmoo ko ya uni u bru wa khroo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u wa u Syiem Tirot Sing toh uwa e mynsien wa khroo neibynta ka jaitbru. “Katni i da lait i na i chah synchaaar ha u phareng tangwa emkaam i wow man kawi neibynta wow chakri ya ka ri wei wow pynpsiah ya kani ka mynsien chynrang ha ka dohnood yong i kamwa man u Syiem Tirot Sing,” da ong u montri.

Neiliang u kongsan da kular u leh wow chimkhia wow rah ha ka miej yaklam kawa yatoh waka dorkhat wa e kti da ka Tirot Sing Syiemlieh Death Anniversary Committee Hima Nongkhlaw wow wanrah ya ka PHE Sub Division ha Nongkhlaw wow pynheh ya ka Khasi Patriotic Home kawa em ha Nongkhlaw.

“Lada ka pateiñ yong i ym yoo jngai ko, ka pateiñ yong i daw wiar ko,” da ong u Adelbert Nongrum, MLA ka North Shillong hawa klam kam u symbood kongsan ha kani ka yalang.

Da pynrap u deiwa ong, “I waroh i tip i chaphang ka khana parom chaphang u Tirot Sing Syiem wei ym myntoi ko ya i du wow lehkmen ya kani ka sngi du wow kynmoo warom tangwa emkaam leh wow pynpsiah ha ka mynsiem wow im wow yaleh neibynta ka ri wa ka jaitbru”, da ong u Adelbert.

Kiwi de kiwa emlang kynthup ki ya u MDC yong ka Rambrai Jyrngam, u Banjop Pyngrope, u E. Nongrang, MDC warim ka Mairang, ki heh sorkar nadooh u SDO wa kiwi kiwi ki sahep hapoh yong ka Mairang Civil Sub-Division.