Ka 31 tarik u Naichiphaw toh ka sngikha yong u Sardar Vallabhai Patel uwi na ki bru wa khroo ka ri India wa jooh man kam u Deputy Prime Minister kamjooh leh u Home Minister wa nyngkong ka ri India.
Kam ka dak i kynmoo warom ya ka sngikha wa 147 yong oo, ha uni u snem ki bor pait bor pynlai yong ki skur waphær hapoh ka West Jaiñtia Hills District heipor step da pynman ki ya ka “Run for Unity” wa man chibynta ka dak wow pynyoo cha ka pyrthai wa i yatylli toh iwa emkaam wot hapyrdi i yaphær ha ki wa boon ki rukom neibynta wow ye u poi cha ka thong yong i chongsuk chongsaaiñ wei roi i paar ha waroh ki liang.
Heipor sngi won ha man ki skur kam chibynta wow khriñ yei pyrkhat pyrdaiñ ki khynnah chaphang u Sardar Vallabhai Patel kiwa sikai da e ki i klam i khana yei parom u Sardar Vallabhai Patel neitæ i puræ leh ya ka ‘Rashtriya Ekta Diwas Pledge’ wa man kam ki kyntien kyrsu kyntu wei e mynsien ya ki khon ka ri hei wow boodlate ya ki kaam wa bha u Sardar Vallabhai Patel.
