Jowai: Ka ophis ïong ka Krishi Vigyan Kendra, Jaintia Hills ynne ka sngi da lehwarom ko ïa ka World Food Day 2015 ha Farmer’s Training Institute, Rymphum hajrong ka phang,“Social Protection and Agriculture”. U ma L. Laloo, District Agriculture Officer, West Jaintia Hills District da man u kam u kongsan. Ïa ka yalang da pynlai da u ma M J Syngkon, Programme Coordinator KVK Jaintia Hills u wa e leh ïa i klam pdiangburom ïa ki waroh wa emlang.
Ïa i batai bniah ïa i jingmut yong kani ka sngi da e da u R. W Rangad, SMS Plant Protection. Kiwi tawan wa emlang ha kani ka sngi da klam deiwa ban joor ïa i kaam yong ki nongrep toh iwa emkaam dooh yow lait na i duna baam kamjooh leh i dooh i duk wa em ha pyrthai waroh kawi.
U kongsan da pachat jingmut u cha ki waroh wa em deiwa ong i dap baam ki bru pynman ko ïaki kiwa ye u im khlem chaniah ha kiwa boon jait kiwa pynkhia ïa i jingim yong ki.
Da emlang leh boon ki warep napoh ka distrik ha kani ka sngi kynmoo ïa ka ‘World Food Day’ kiwa chimwynta ha ka yakop ‘Extempore speech’. 17 ngut na ki, da pynyoo ki ïa i sap klam yong ki wei da yoh ki leh ïa ki khusnam.
Ïa ka yalang da pynkut da i klam e khublei na ka kong R Lyngdoh, SMS Agronomy.
Discussion about this post