Jowai : Ynne ka sngi waroh ki heh sorkar yong ka West Jaiñtia Hills District wapher wapher da wan ki cha ka yalang wa pynman ha kamra Conference Room yong ka ophis u DC yow kynmoo ya ka Civil Service Day.
Kani ka Civil Service Day toh kawa jooh pynman man u snem kam wow pynkynmo ya ki waroh kiwa em ha ka Civil Service yoh kynmoo ki wa ki toh ym hoi u mylliñ wa ki toh kiwa kreh neibynta ki paidbah wei wow pynthymme biang yeini i kular yong ki yow chakri bha chooh chooh ki ya ki paidbah.
Da em leh ka pynyoo na ki kattu katni ki tnat sorkar ya ki thong wa ye ki u poi hei kreh yong ki snem wa da dep.
Ya kani ka yalang da pyllai da u D.M. Walang, ADM hei emlang u S.C. Laloo, ADM, u D. Kharsati, ADM, ka I. Laloo, IAS, SDO (C) Amlarem Sub-Division ki EAC, u R. Muthu, SP WJH wa kiwa mihkhmat wa boon yong ki tnat sorkar waphær waphær.
Ha kani ka sngi leh da wai ya ka ophis yong ka West Jaiñtia Hills Basin Development Unit kawa em pynha ka ophis DC hi wei da pyllait leh ya ka Community Newsletter.
Discussion about this post