Shillong : Ka Seiñ FKJGP (Iewrynghep Unit) ynne ka sngi 26 tarik da kyrngiat ko u chem yei leh habra kiwa kreh ka Shillong Municipal Board (SMB) deiwa brait ki yei jhep kiwa da pyllang ki na kylleiñ ka sor Shillong.
Yeini i leh khlemakor kiwa kreh ka municipal da chem ha kawi ka sarok ka Mawlai Iewrynghep. Ini ymtoh i sien wa nyngkong wa da leh kamni da ong ka seiñ heiwa da boonsien da yoh ujor na ki paidbah wa ki kari kit jhep ka SMB jooh leh ki kamni man i por heijooh i por leh ymjooh tymooh ki ya ki kari kit jhep.
Hei yatoh weini ka seiñ da maham joor ko wa neini cha khmat la dang chem wa leh ki kamni wei ym tymmoh ki ya ki kari kit jhep ka seiñ daw leh ko yeiwa emkaam. Neibhah ini i leh khlemakor ka SMB da wanrah ko leh yei sma tung kamjooh leh yei ma ya ki paidbah hei yatoh wei chait i khiah.
Ka seiñ leh da ong ko wa da yoh leh ki i ujor wa kiwa kreh ka SMB da noh ki yei jhep pyn ha ka Gate ka Marten wei da sñiaw phylla ko leh wa hadooh ki truck chipai na Ri-Bhoi kam ka NEPA wa ka MES da wan noh jhep ki chadooh ka Marten.
Kani toh katkam ka khubor wa phah da u Khrawkupar Nongsiej, President FKJGP, Iewrynghep Unit.
Discussion about this post