Jowai : Ka Khasi Students’ Union Iooksi Unit da kyntait ko ya i kynnoh wa i pharep ki pulit wa ki 6 ngut ki khynroo wa chah kem toh kiwa emkti wow lute truck na Ynñiawmer Weigh Bridge.
Katkam i pyntip ka KSU Iooksi Unit da ong wa kini ki khynroo toh kiwa kahyi mooyong wei ha ka miet wa chah kem ki dang mut ki u li pynhaap mooyong cha Guwahati wei manda poi ki ha ka Weigh Bridge wa em ha Ynñiawmer da chem ki wa ki pulit dang khrong poisa ki naki truck T. 1000 ka wi.
Kini khynnah khynroo da kyntait ki wow su hadooh wa poi cha ki yania wa joor bha wei da em leh na pyrdi yong ki uwa da sdang u riñ video tangwa ya ka mobile yong oo da knieh ki pulti uwa ym tipmit kini ki khynnah khynroo.
Ka seiñ leh da kynnoh ko wa i khrong poisa ki pulit toh iwa jia man ka miet khamtam ya kitu kiwa kit beaiñ khlem em Challan.
Hei yatoh won wa ka kari Bolero kawa ki pulit kynnoh ki chah tooh, neiliang ki tai ki khynnah khynroo da ong ki ki ym tip ki iyi iyi leh wei da chah kem ki na ki ar tylli ki kari ka wi ka Maruti Zen wa ka Maruti Car wa pynemkaam ha ka tai ka miet yow booddien ya ki truck yong ki wa kit mooyong.
Ka seiñ leh da ong ko wa ya ki tai ki 6 ngut da kem ya ki na i dukan heipor wa dang mut ki u baam ja, wei ymtoh na ki bynta ka Ynñiawmer.
Ka seiñ leh da ong ko wa ki pulit ymtoh u pahreb kulmar ki ya ki bru khlem yoh sabut da iwa biang neibhah daw ktah ko ya ka mynstep mankawi ki khynnah khynroo.
Khatdooh ka seiñ da kyntu ko ya ki pulit wa lada ki kwah ki wow pyndoohjait ya ki kaam lute ki toh u kem chwa ki ya kitu kiwa jooh khrong poisa man ka miet ha u sarok ha yingkeiñ Myntdu kamjooh leh ya ki tu kiwa chong duty ha Weight Bridge 7mer.
Kani toh katkam ka khubor wa phah da kiwa yalam ka seiñ KSU Iooksi unit.
Also Read:Kem ki pulit ya ki damok lute truck
Discussion about this post