Kyntait ka BJP wa ye u pynyeiñ ya u Singh Mulieh kam u kyrtong MLA na Jowai Constituency

Jowai: Katkam ka khubor wa mih wa ong u Hayithung Bill Lotha uwa man leh kam u General Secretary wa pait ya ki Schedule Tribe wa ki Schedule Caste ka BJP uwa da ong wa ye u pynyieñ ya u Singh Mulieh kam u kyrtong kani ka seiñ na Jowai Constituency, neiliang ka seiñ da pyrchah ko yeini.

U President ka Jowai Mandal u Paila K. Lyngkot da ong u waka BJP ym pu toh por wow pynbna ko yei pyrtuid kyrtong MLA na kani ka Constituency wei da ong u leh wa chwa wow e ticket ya uwon uwon u kyrtong, ka Election Committee ka BJP u chong bichaar bniah ko ya uwon uwon u kyrtong wei daw jied ya uwa ye u wanrah yei jop.

Kamtæ da ong u wa ka khubor wa mih da pynkulmar ko ya ki paidbah kamjooh kiwa kyrchaan ya ka Party.