Ka People’s Democratic Front (PDF) kawa da chong ya ka yalang yong ka Central Executive Committee (CEC), da kyntait ko wow ong iwon iwon hajrong ka rai na ka yalang khamtam hajrong ka khubor wow emlang noh wa ka National People’s Party (NPP).
Neiliang u president wa u working president, u Gavin Mylliem wa u Banteidor Lyngdoh da kyntait wow khana ya ki rai wa da chim ha ka CEC, deiwa ong daw pyntip ha i por wa biang.
Katkam ka khubor wa da yoh, hadien kani ka CEC kawa kawa da man ynne ka sngi, neiliang yong ki heh ka PDF daw khut ko leh ya ka General Council ha ka 4 tarik chwa wow rai khylliap lama noh ya ka party, wei wow psiah noh cha ka NPP.
Hanla ki heh ka PDF ym em ong ki iwon iwon hajrong i rai ka CEC, tangwa ka khubor kawa tikna wa yeki 2 ngut ki MLA ryngkat ki heh ka PDF daw psiah noh ki cha ka NPP deiwa psiah pura ha ka 6 tarik uni u bnai.
