Heiyatoh wa i mih khubor wa em uwi uwa chah kem ha ki pulit ha Phramer ynnin ka 12 tarik uwa man kam uwa khayi drugs wei da khana pyrtuid u kam u Agustine Ryngkhlem uwa na ka chnong Kyndongtuber.
Hajrong ini, neiliang u waheh chnong ka Kyndongtuber da pynche u wym em kam uni u bru ha chnong Kyndongtuber wei napyrdi ki kur Ryngkhlem leh da ong ki wym tipmit ki oo.
Kamtæ da ong wa ini i kam uni u bru toh iwa bakla wei pyndooh burom ya ka chnong Kyndongtuber.
Neiliang ka chnong da kyntu ko ya ki bor pulit wow takit bha ki yow chem ki yei chnong tre wa sakhiat uni u bru.
Ka chnong Kyndongtuber da beiñ joor ko ya uni u bru uwa pynboodnaam ya ka chnong ka thaw deiwa kyntu leh ya ki bor ka aiñ wa ki bor pulit wym hoi u ieh jem ya kam kini ki jait kaam kiwa ktah ya ka imlang sahlang.
Da maham leh ya kiwi wym hoi u chim kabu kamni u pyndoh burom ya ka chnong wei lada chem ya kam kini ym yohsa hap e da ka Case pyndooh burom pyrchah ya uwon uwon wa dai sarom yei pyrtuid yong ka chnong.
Kani toh ka Wyrta na u Waheh Chnong ka Kyndongtuber, u Shiwa Siangshai.
Puræ leh: Yoh kem drugs ki pulit ka West Jaiñtia Hills ha Phramer
Discussion about this post