Kyntait ka chnong Moolait Bri Sutnga wa uwi na uwa yap wa chem na Umpleng toh uwa na ka chnong

Ka chnong Moolait Bri Sutnga da kyntait ko yei kam tre chnong ka bei yong uwi u baar jylla uwa da chah tynyap heiwa yei metyap yong oo deilang wa ki 3 ngut kiwi da chem hei step ka 6 tarik uni u bnai hajan ka yaaw Umpleng, East Jaiñtia Hills.

Ini toh hadien wa da mih khubor ha u Wyrta wa katkam wa pyntip ki pulit wa ya i metyap wa dang sah i wym pu em wa wan kam da wan wow kam wei da pyntikna toh u Lobe Tamang heiwa da pyntikna yeini da ka bei u, ka Phulmaya Tamang kawa da ong toh uwa na ka chnong ka Moolait Bri Sutnga.

Neiliang ka chnong da ong ko wa ini i kam chnong ymtoh iwa sakhiat, wei ka chnong da kyntait heijooh i por ym tipmit ko leh ya kani ka bru.

Ka chnong da maham ko leh wa neini chakhmat lada jia wa em wa kam chnong kulmar khlem toh sap, daw pynchitom katkam ka aiñ chnong.

Related posts

Yow lait u em kiwa pynthut ya ki Magistrate wa ki pulit, da pynkrehkaam da ka Section 163 ha thaaiñ Thangskoo

February 7, 2026

Pyndep ki 24 ngut ki khynnah ka Jaintia Eastern College yei chah sikai taan bordiñ

February 7, 2026

I pyntip na u Waheh Chnong ka Moolait Bri Sutnga.

Puræ leh: Yoh kem ki pulit sa uwi, waroh dapoi soo ngut heiyatoh wa i chah tynyap ki soo ngut kiwa chem ha Umpleng