Ka Deputy Commissioner ka Ri-Bhoi District, ka RM Kurbah da kyntait ko yei pynbaad wa ong wa da dai tooh ya ka bui (Report) leh Test RT-PCR ha ka khyrdop wa em ha Umling, deiwa beiñ joor leh ya ini i pynbaad khlem yurim.
Ha kini ki kajiak sngi da em i pynbaad wa da em i dai tooh ya ka Report Test yong ka RT-PCR kawa pynyoo wa ki bru kiwa wan na baar ym em u chah ktah ki ha u COVID-19 (Negative) hei dor wa T. 200.
Neiliang ka Kurbah da pynche ko wa ym em kam itæ i dai tooh ya ki Report ha Umling Entry Point wei ini toh du i thmu wow daisarom ya ki bor pynlai District wa ya ka chnat i chait i khiah.
Da ong ko leh wa ka Umling man ko du kam ka thaw chim nongmuna (Sample) wei da phah won cha Shillong wow sylli bniah da ka kor RT-PCR wei hadien ini da e yutip cha ki bru lada chah ktah ki mo ym em.
Ka DC da ong ko wa hadooh katni ympu em wa wan ujor iwa pynyoo toh i pynbaad donhi dei thmu wow dai sarom.
