Kyntait ka Dorbar Chnong Jalaphet Bri-Sutnga yeiwa pynbaad uwi wa khang u thap Vote ya kiwa ym em kyrchaan ya u kyrtong u Waheh Chnong

Jowai: Hadien wa mih khubor ynnin ka sngi wa haka 27-02-19 u Lambok Bareh da ujor u wa u Womly Chyrmang, u Waheh Vhnong ka Jalaphet Bri Sutnga, EJH da khang u ya kiwa chong chnong wow thap Vote ki kiwa kyrchaan pyrchah ya u kyrtong wa kyrchaan u.

Neiliang ka Dorbar Chnong Jalaphet Bri-Sutnga da beiñ joor ki ya i pynbaad wa khlem yurim u Lambok Bareh wa ym chah u Waheh Chnong ya uwa ujor wa ki lok yong oo wow thap Vote ki haka haka 27-02-19.

Katkam wa pynche paidbah u Waheh Chnong wa da chah dat u ha kini ki bru neidaw wa ym e laad u ya u samen bru uwa paan bor wow yoh ki u yooh beiñ yei hok yong kiwi yow yoh ki u thap du ha uwi u kyrtong wa kyrchaan ki u Hopingstone Bareh neidaw waka Dorbar Chnong haka 24-01-19 da mynjur ko wow e ya ka mon laitlooid cha waroh kiwa thap Vote ka chnong wow kyrchaan ki ya uwon uwon u kyrtong wa kyrchaan ki.

Ini toh katkam wa pynche da u Secretary Chnong u Bevan O. Dkhar, u Waheh Chong u Wom Chyrmang, u Assistant Waheh Chnong u Hermis Chyrmang wa u Shai Chyrmang, Treasurer wa kiwi kiwi ki dkhot ka Dorbar Chnong Jalaphet Bri-Sutnga.