Kyntait ka High Court yei tyrwa ka sorkar da ki CRPF, phah booh da ki CISF wow pait yei kit mooyong tooh ha Meghalaya

Ka High Court ka Meghalaya, ynne da chong bichaar biang ko ya ka mukotduma heiyatoh wa i tih mooyong pyrchah ya ka aiñ hapoh ka jylla hadien wa ini wa dep da phah ko ya ka sorkar wow booh da ki pulit ka Central Reserve Police Force (CRPF) lane ka ki bru ka Central Industrial Security Force (CISF) yow pait yei kit tooh ya u mooyong.

Neiliang ka sorkar Meghalaya ynne da e jubab ko deiwa bniah kammon wow wanrah da ki CRPF tangwa ka High Court da kyntait ko yeini deiwa ong wa i thmu ka sorkar wow wanrah 100 Company ki CRPF ha ka liang mihsngi ka jylla wa 60 Company won cha ka liang sepsngi ka jylla toh iwa ym ye wow man neibhah hapoh kawi pa kawi ka Company daw em 135 ngut ki bru.

Ka sorkar jylla da ong ko wa u booh ya kini ki CRPF ha ki 12 tylli ki District yow sylli kari kamjooh wow pait yei tih mooyong wa pyrchah ya ka aiñ tangwa ka High Court da ong ko wow leh ya waroh ini toh iwa syad dor bha hanla du neibynta chibet chipor neibhah daw hap chna thaw sah wa kiwi de kiwa emkaam iwa da poi hadooh T. 316 klur wei sa T. 58 klur neibynta ki kari ha chi snem.

Chooh chooh da ong wa u chna thaw sah ya 160 tylli ki Company ka CRPF toh iwa daw chimpor bha wei kat wow dep da lut hi u mooyong ka jylla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka High Court da ong ko wa dang lah wow booh 10 Company ym da ki CRPF tanwga da ki CISF niebhah ki CRPF dang man hi ki hapoh i pynlai ka sorkar jylla katwa ki CISF won ye ki wow krehkaam deiwa laitlooid wei neiliang ka sorkar pyrdi kamjooh ki CISF leh ong ki ye hi ki wow pait u sylli ya ki kari wa kit mar.

Chooh chooh da ong wa deiwa pyrkhat wa kiwa boon ki thaw hapoh ka jylla ym em sarok ki yow kit ya u mooyong, deiwa em 10 Company ki CISF da biang wow pysangeh kari wa kit mooyong pyrchah ya ka aiñ wei kamjooh leh ya kiwa kit ya kiwi ki mar wa pyrchah ya ka aiñ wei wow pyntikna leh wym em ki kari wa kit palatpood wa lai ha ki sarok National Highway ka jylla Meghalaya.

Ka High Court da ong ko leh wa ini ym ye wow neh i dei boon snem neibhah ka jylla da sdang ko wow leh yeiwa emkaam yow sdang ya ka Scientific Mining deiwa e leh ya ki License katkam ka aiñ wei manda sdang ini, i tih mooyong pyrchah ya ka aiñ ym kwah de ki bru wow leh ki.

Heiyatoh won wa ki thaw wow booh ya kini ki CISF, daw jied deiwa pynbaitlang wa u Justice Katakey wei  i su ya ki bru ka CISF daw pynbait hapyrdi ka sorkar jylla waka sorkar pyrdi.