Ha ka 11 tarik da mih ka khubor wa ong wa ka yung krehkaam wa khliehdooh (Headquarter) ka Meghalaya Energy Corporation Ltd (MeECL), da chah kynreh ko ha ki sahep ka Enforcement Directorate. Hajrong ini neiliang u Public Relations Officer (PRO) ka chnat da pynche u wa kani ka khubor toh kawa thok wei kawa bakla.
Da ong u wa kani ka khubor toh kawa bakla neibhah ym em ki sahep kiwa chah takit wei ym em ki kot ki sla wa da chah knieh.
Chooh chooh u PRO da ong u wa kiwa pathai khubor toh u takit ki na ki Director ka chnat chwa wow pynmih ya ka khubor khnang wow tip yeiwa sakhiat.
Kani toh katkam i pynche na u AK Jain uwa man u PRO ka MeECL.
